NOTTINGHAMSHIRE, Inglatera- Un menor di e localidad di Tuxford, di e condado Nottinghamshire a sufri di lesionnan grave den su celebro, despues di cu el a purba cumpli cu’n reto viral cu su amigonan. E reto: Carusel di Morto! E reto ta consisti di subi un carusel y impulse esaki cu e tirenan di un brommer (motor cendi).
Den un video cu ta circulando ariba internet, pro wak momento cu Tyler Broome ta cuminsa drei violentamente riba e carusel mientras cu otro amigo di dje ta subi e velocidad di e brommer mas y mas, cu e tire patras. Den un parti di e grabacion, e menor ya e menor ta bayendo for di tino, pero e amigonan, na harimento no ta ni ripara.
E mucha a cay flauw y su amigonan mester a yama un ambulance pa hib’e hospital, unda cu dokternan a keda babuca ya cu nunca nan a haya nan mes cu algo similar.
E lesionnan cu Tyler a sufri tabata hopi grave, ya cu e forsa gravitatorio na cual el a wordo exponi durante e reto ta silimar na loke pilotonan di avionnan di combate of astronautanan ta experimenta den un ambiente controla.
Segun dokternan, e forsa di gravedad a forsa e entrada di likido y sanger den e ccelebro di Tyler Broome, provocando e inflamacion den su wowonan y despues problemanan di vision. Autoridadnan local a cuminsa un investigacion di e sucedido.