ESTADO BOLIVAR, Venezuela- Un menor di edad a fayece y cuatro polis municipal a wordo deteni. Esaki ta e saldo cu e protesta pa servicionan basico na San Felix, estado Bolivar, Venezuela a laga atras.
Segun informenan, e adolescente a wordo identifica como Evelio José Rodríguez Robles (13), kende a ricibi un impacto di bala.
E version policial ta sigura cu e disturbionan a surgi despues di cu e manifestantenan a cera e caminda di e sector Jose de Chirica, pa falta di servicio electric y awa. E polisnan a cuminsa persigui e manifestantenan y a haci uzo di nan arma reglamentario, heridando e menor di edad gravemente.
Otro informenan ta duna di conoce cu mei mei di e disturbionan un polis di estado Bolivar a cay for di su brommer y habitantenan a kim’e.
Pa e hechonan aki a wordo deteni Yorvin Gregorio Macías García (28), Liomar Gabriel Martínez Ruiz (23), Domingo Rafael Macias Garcia (26) y Alberto Jose Hernandez Manzano (24); tur funcionarionan di e PEB implica den e caso cu e commission di homicidio di CICPC ta investigando..
Segun testigonan e funcionarionan a haci uzo di nan arma di reglament y e manifestantena a responde tirando cu piedra. Mei mei di e confusión cu a presnta, un bala a impacta den e adolescente.