VILLAVICENCIO, Colombia- Un avion DC-3 cu tabata bula entre e ciudadnan di San Jose del Guaviare y Villavicencio, na Colombia, ta cay diasabra y e 12 ocupantenan a fayece, segun Defensa Civil. “Nos ta informa cu e 12 personanan a bordo a fayece. Ta trata di 10 pasahero, entrenan un menor di edad y e 2 pilotonan”. Esaki ta loke el teniente Fernando Martínez, coordinador di e Unidad Nacional pa e Gestion di Riesgo di Desastres (UNGRD) na Villavicencio, capital di e Departamento di Meta.
Riba su cuenta di Twitter, e organismo di prome auxiliio a skirbi: “Nos ta lamenta e accidente di e avion, cu tabata cubri e ruta San José del Guaviare-Villavicencio, 12 persona ta fayece”. E avion di matricula HK-2494, tabata pertenece na e empresa Laser, cu ta cubri e ruta San José del Guaviare – Villavicencio y el a declara su mes den emergencia te cu 10 or y 40 di mainta, segun e Aeronautica Civil a informa.