Dos fuente di e cadena di television Mericano ABC News a confirma cu un “menasa grave p’e siguridad nacional di Merca” di cual a papia diaranson, ta relaciona cu e supuesto intencion di Rusia di lansa arma nuclear den espacio.
Segun European Pravda y ABC News, presidente di e Comite di Inteligencia di Camara di Representante di Merca, Mike Turner (sostenedo di e causa Ucraniano) lo a pidi pa desclasifica informacion di inteligencia cu “tin di haber cu Rusia kier lansa un arma nuclear den espacio.”
ABC News a aclaria cu no ta trata cu Rusia ta lansa arma nuclear riba Tera, sino cu e armanan aki por uza contra satelite.
“Ta hopi preocupante y hopi delicado,” un fuente cercano na ABC News a bisa, cualificand’e di “gran cos.”
No a revela e detayenan di e “gran menasa p’e siguridad nacional di Merca,” pero hopi miembro di Congreso Mericano, aunke a cualifica e asunto di grave, a sigura cu no tabata motibo di alarma.
Consehero di Siguridad Nacional, Jake Sullivan, a declara cu a drenta den contacto personalmente cu e legisladonan principal di e comitenan di siguridad nacional prome cu Turner a adverti publicamente di e “menasa grave pa siguridad nacional.”
E relato ta sigui bisa cu un encuesta realisa prome cu e Conferencia di Siguridad di Munich a revela un percepcion menor di e guera di Rusia contra Ucrania como un gran menasa pa mundo compara cu final di 2022,