Durante e reunion di caracter di urgencia di sindicato SADA, nan tabata tin algun mocion cu a bay votacion. Sr, Eduard Maduro, lider di sindicato ta amplia.
Contario na loke hopi hende ta papia, cu sindicato ta tuma decision ariba nan mes, sindicato ta sigui conseho y mandato di e miembronan. Esey ta con e sindicato ta traha. Tabata tin algun mocion cu a bin dilanti, algun di nan a wordo sosteni unanimamente pa e miembronan. Awo ta keda na e sindicato, como su deber pa bay na nan hurista pa presenta e mocionnan cu a wordo trece dilanti, pa asina huridicamente wak con ta hink’e den otro. Asina manda mensahe pa tanto Minister Presidente, ya cu practicamente tur e mocionnan ta dirigi na Minister Presidente. Y un ta dirigi na e Minister di Finanzas, segun Sr. Maduro.
Pa loke ta e carta manda pa Sr. Maduro, cu ainda no por bisa si e ta como persona of como ambtenaar, pero Sr. Maduro mes no ta mucho interesa pa verweer esaki. Si haci esaki, e lo keda den e file personal, pa cual ta prefera di bay Corte pa laga hues bari esaki for di mesa. Pero prome cu esaki sosode, tin un chance ainda cu minister por interveni. Ministernan tambe a expresa cu nan no ta kere cu e gobierno aki, ministernan lo permiti un director purba silencia sindicato, ya cu esaki ta e caso.
Un di e puntonan cu e miembronan a trece dilanti, tocante secreto di trabao, e mesun director a trece esaki dilanti, na mas di un ocasion. Secreto di trabao (dienstgeheim) ta keda secreto di trabao (dienstgeheim), sea ken sea cu a saca esaki afo, si ta Sr. Maduro of e director, Sr. Croes.
Un di e rapportnan ta un manera di silencia sindicato, y SADA a haya hopi apoyo for di otro sindicatonan cu a mustra nan sosten y a bisa di ta di acuerdo cu SADA, cu no por permiti un dienst purba silencia sindicato. SADA no tin apoyo di no solamente su miembronan, pero tambe di otro sindicatonan.
P’aworaki no ta bay tin accion, ya cu e reunion di 2 hora a termina pa 10 or di mainta. Ta keda nan minister awo, pa wak si ta bay tin un accion den futuro cercano. Unabes cu SADA entrega e carta na Minister, nan holoshi ta cuminsa core.
Riba tereno comercial, tambe e bala ta den scochi di gobierno. Como comercio, si nan ta respeta sindicalismo, hopi biaha nan a sali afo. Pero pueblo tin cu compronde, miembronan di ATIA, KvK tur mester compronde cu si tin un director cu no ta skucha su trahadonan, un minister cu tampoco ta skucha e trahadonan di dienst cu ta resorta bou di dje, unda nan tin cu recuri.
Tur e miembronan ta kere cu e director, Sr. Croes lo ta e diferencia, pero lamentablemente, no a haci e cambio y awo, tur cos ta keda na minister, segun Sr. Eduard Maduro, di sindicato SADA.