Un caso sigur cu tin un famia traumatisa na Turibana caminda cu nan a wordo menasa cu arma ora cu varios agresor a presenta.
Segun informe ricibi n’e sitio, den oranan trempan di marduga, algun hende a presenta n’e cas y menasa e famia cu ta biba den e cas cu arma di candela. Te hasta tabatin tiramento di baranca, unda cu a haci cu a yama polis di biaha.
Un total di tres patruya a presenta n’e sitio p’asina duna asistencia n’e habitantenan. A papia cu e habitantenan, cu a informa cu no ta prome biaha cu e menasa aki a tuma luga.
A haci denuncia den diferente ocasion p’e echo aki. E bisiñanan a scucha desordo cu gritamento y tabatin tiramento di bloki. Hasta por a scucha glas kibra.
E sospechosonan mes cu a comete e acto, a bandona e sitio, lagando e famia den trauma. Nan ta tur spanta. Nan sa caba kendenan a bin comete e menasa aki.
Polis n’e sitio a tuma dato di tur hende despues cu nan a presenta.
Fuera di esey nan a busca huls, pero no a ripara nada. Mientrastanto investigacio ta continua di parti di polis pa pone man riba e malhechornan.