Dialuna pasa di 12:30 marduga na San Nicolas a surgi un menasa unda algun persona den auto a menasa otro persona cu arma di candela y bandona e sitio. Tabatin mas cu 4 persona den nan mucha muhe y mucha homber.
E persona cu a keda menasa a bay entrega denuncia na autoridad, y di biaha patruyanan a sali na busca e honda sospechoso. Den caya di San Nicolas na entrada a topa cu e honda staciona, polisnan a bay riba e auto tacticamente, y a topa cu dos homber y tres muhe aden.
A pone tur hende man na halto y a listra tanto e auto y e personanan di biaha. A hiba tur hende pa warda di polis eynan lo saca afo kico a conduci na menasa otro persona cu arma di candela. Polis a tuma e auto den beslag pa recherchenan investiga e auto completamente.
