Diahuebs mainta, Central a dirigi patruya na un adres den Caya Soeu Desideria, den cuadro cu un menasa cu un arma di candela. Eynan polis a wordo seňala pa un miron.
E testigo a indica polis e direccion cu e victima di e menasa a cana bay. Yegando na altura di “Tipsy Bar”, ex Corazon Espinado, situa na Bushiri, a constata e conocido K., kende a declara cu hunto cu su amigo E., un rato prome a wordo menasa pa un tal JK cu un arma di candela. Alabes, el a declara cu e por a mira cu e arma aki tabata uno preto. K. a corebay pa asina evita cu lo tabata tin tiro. Mirando cu tin un peticion pa buskeda pa e sospechoso K., K9 unit a detene pa 11’or y 40 di mainta. Despues el a wordo transporta na warda di Santa Cruz pa Recherche. Central a wordo poni na altura riba e situacion.