QUITO, Ecuador- E director di Antinarcoticos di Polis, Carlos Alulema, diabierna a indica cu autoridadnan Ecuatoriano a haya “al menos mei ton” di marihuana den e autobus procedente di Colombia, cu a accidenta diamars ultimo riba e caminda Pifo-Papallacta cual a laga 23 persona morto.
Alulema a señala na prensa cu “al menos mei ton” a wordo haya den e bus y el a agrega cu ” ta trata di un compuesto di marihuana”.
Pa medio di un comunicado, polis a señala cu “a haya den e vloer di e structura di e bus sustancianan sospechoso cual a wordo pasa autoridadnan competente”, despues di e inspeccion tecninco den e autobus accidenta.
Mas di un hora polisnan a dura pa saca a paketenan di droga cu tabata camufla den e piso di e bus cu a accidenta riba e carretera Quito cu Papallacta unda cu un 4WD tambe tabata involucra, cu nuebe persona di nacionalidad Ecuatoriano abordo y un autobus procedente di Colombia. Segun Alulema, cu e accidente di diamars ultimo, esaki ta e di cuater bus den cual ta haya droga, den e ultimo lunanan. Den un di e busnan a haya 400 kilo di cocaina.