Aunke no tabata e miho weekend riba veld pa Red Sox, e tabata un aña productivo.
Boston Red Sox y shortstop Xander Bogaerts a finalsa un extension di un contract di seis aña dialuna, un acuerdo cu lo tene Xander na Boston te cu al menos 2025.
E acuerdo ta pa 120 miyon dollar, segun fuentenan. Esaki lo inclui 12 miyon dollar cu Bogaerts ta haciendo e temporada aki. E lo bay gana 132 miyon dollar den e proximo shete añanan. Tin un opcion di fortalesa pa 2026, e club a bisa den su anuncio.
Esaki ta un gran noticia, despues di cu Red Sox a firma Chris Sale pa un contracto pa cinco aña y 145 miyon dollar na final di Spring Training. E ekipo awo tin dos pieza clave den cuadro di e club ganado di e Serie Mundial di aña pasa, sigura pa un tempo largo.
Cu esaki tambe, den un solo tiro, Bogaerts ta bira e shortstop miho paga actualmente di Major League Baseball y e deportista profesional miho paga den Reino Hulandes. E deal ta balora na 120 miyon dollar den 5 aña, plus e 12 miyon e aña aki, pues 132 miyon dollar den 7 aña y posiblemente 20 miyon pa 2026.
https://www.mlb.com/news/xander-bogaerts-red-sox-extension