For di Januari 2022 Laboratorio Medlab a cuminsa fungi como e laboratorio principal y di escogencia pa Hospital Dr. Rudy Engelbrecht (ImSan) na San Nicolas, loke ta expande e nivel di servicio tanto pa e pashentnan como pa e dokternan
E laboratorio nobo aki ta conta cu ekiponan sofistica cu capacidad aumenta pa ofrece testnan eficiente y di calidad; asina por ofrece un servicio halto pa henter comunidad. IMSan lo tin capacidad pa ofrece testnan di hematologia, kemie, microbiologia medico, biologia molecular, point of care, feces y urina loke ta permiti un menu di pruebanan mas flexibel cu ta adapta na e necesidadnan di nos comunidad. Esaki ta inclui testnan urgente pa entrega resultadonan mas pronto posible loke ta conduci na un diagnostico oportuno pa tur esnan cu ta rekeri e servicio.
Medlab
Na 1991 Medlab a cuminsa provee servicio di laboratorio na tur asegurado di AZV y pueblo en general. Un entidad di salud acredita ISO 15189:2012 OGA-LE 023-08 for di 2008 y certifica ISO 9001:2015 Register No. FS516465 for di 2006.
Medlab ta percura pa ofrece servicio di laboratorio 24/7 na tur departamento di ImSan manera eerste hulp, dialysis, estadia cortico, cirugia, diabetes y oftalmologia entre entro. Finalmente e ekipo di specialistanan y asociadonan di ImSan lo por conta cu un laboratorio cu ta asisti nan den ofrece nan pashent servicio oportuno y di calidad. Sigur un logro grandi pa nos sistema di cuido di salud en general y tur pashent cu ta bishita Hospital ImSan cu lo beneficia di e servicio.
Como un laboratorio acredita, certifica y cu ta acepta tur verwijsbrief- lab aanvraag di dokter di cas, partera y specialista na otro localidad di Laboratorio Medlab, nos compromiso ta pa garantisa diagnostico di laboratorio cu ta confiabel. Medlab ta kere den haci inversionnan continuo den tecnologia y ekipo pa e beneficio di nos comunidad. Ademas di ofrece un experiencia superior pa provedornan y pashentnan, Medlab ta representa e compromiso cu su cliente y e comunidad loke ta refleha den mas empleo y sirviendo como un estimulo economico pa e comunidad di San Nicolas.
Un logro grandi
Pa por a logra un implementacion exitoso di e laboratorio, a traha den colaboracion cercano cu e team na ImSan, prome cu COVID-19 y durante lunanan di tempo, e instalacion a wordo haci door di un team multidisciplinario di suppliers y socionan di construccion pal lanta di un manera adecuado e instalacion na tempo y manteniendo su mes den e presupuesto estableci a pesar di e desafionan cu e pandemia a trece cun’e. Tambe mester a tuma den consideracion varios aspecto operacional di logistica, automatizacion, validacion di tur e aparatonan di analisis, IT y infraestructura entre otro pa por cumpli cu normanan internacional di seguridad pa pashent, si ta tuma na cuenta cu esaki ta un di e back bones di Joint Commission Internacional (JCI). E facilidad aki ta trahando riba regulacion/acreditacion di e entidad aki, habriendo di e manera aki un porta importante pa e turismo medico na Aruba.
Pa mas informacion por tuma contacto cu Laboratorio Medlab IMSAN na WhatsApp +297 5975518, mail nos na [email protected] of bishita nos website na www.lab.aw