WILLEMSTAD, Corsou – E situacion den cual tin un investigacion criminal contra di e presidente di Banco Central di Corsou y St. Maarten, Emsley Tromp, ta tumando luga y un posibel huicio, cual a wordo anuncia pa Ministerio Publico, ta haci cu e retencion di e presidente den e posicion ey, inaceptabel. No mester tin ningun duda den e integridad di un persona, specialmente den e posicion ey.
Banco Central ta sigui sostene e daño di reputacion atrabes di investigacionnan den e asuntonan di e presidente. Ta wordo spera cu Banco Central lo sigui sufri si Tromp sigui traha. Specialmente awo cu reciente investigacionnan di siguridad a revela cu no tabata tin screening den e contexto di yena tal posicion asina halto.
Basa riba esaki, e Hunta Supervisora di Banco Central a dicidi cu e situacion actual ta inaceptabel y pa e motibo eynan, a haci recomentadion na e paisnan di Corsou y St. Maarten pa retira Emsley Tromp como presidente di e Banco. E Hunta Supervisora a duna un oferta final na e presidente, prome cu e recomendacion di dia 1 di September, pa retira voluntariamente. Sin ningun resultado. Despues di mas cu un aña, e presidente inesperadamente a cuminsa traha bek siman pasa y a purba di tuma decisionnan importante den nomber di Banco Central. Tambe el a purba di reverse algun decision cu ya a wordo haci. E desaroyo aki a causa molester y agravacion di e situacion y mas daño na e reputacion di Banco Central. E Hunta Supervisora y e paisnan di Corsou y St. Maarten a sinti cu tabata necesario, den adicion pa sigui cu e procedura di retiro, tambe pa tuma medidanan contra di e presidente. El a wordo suspendi y nenga acceso na tur area y edificio di Banco Central.
Sr. Romero un biaha mas presidente suplente di e Central y e staff a wordo informa riba esaki.
Fuente: www.curacaochronicle.com