Un dia despues di a firma tarifanan nobo significante riba Mexico, Canada y China, presidente Donald Trump a reconoce loke economistanan, miembronan di congreso y hasta algun di su mes conseheronan den nan bida anterior a bin ta bisa tur e tempo: mericanonan por caba pagando e gastonan .
Trump a admiti diadomingo cu por tin “algun dolor” di e tarifanan, pero a insisti cu e “resultadonan lo ta espectacular.”
E mensahe, cu a aparece un ora prome cu Trump a yega na su club di golf na West Palm Beach, Florida, pa di dos dia consecutivo, a nifica un advertencia di antemano. Trump ta determina pa cumpli cu su promesanan di campaña pa reprimi imigracion ilegal, frena e fluho di droga mortal y rebalansa comersio continental. Pero haci esaki lo ta inconveniente of pio pa mericanonan cu ya ta enfrenta un costo di bida halto.
Segun cu industrianan ta prepara pa e tarifanan nobo 25 porciento riba productonan for di Mexico y Canada, y 10 porciento riba importacion for di China ta keda pa mira con largo lo tuma pa e gastonan mas halto baha pa consumidonan mericano. E tarifanan ta programa pa drenta na vigor diamars pa 12:01 a.m.
Canada y Mexico ya a tuma medidanan di represaya. Cu mal gana, den e caso di Prome Minister Justin Trudeau, kende a bisa durante un discurso for di Ottawa diasabra anochi: “Nos no ke ta aki.”