Apesar cu e cantidad di caso positivo di Coronavirus ta bahando bao di 8,000, algun region ainda ta mustra cu infeccionnan ta aumentando y awor ta confronta un lockdown completo si no bini cambio den proximo dianan, segun prome minister di Hulanda, Mark Rutte a bisa reporteronan Diamars.
Rotterdam ta un di e regionnan cu ta mustrando aumento halto den infeccionnan sin señal di reduccion, apesar e lockdown parcial cu a wordo introduci, segun Rutte. Si no bini mehoracion, nan lo mester bini cu un lockdown completo incluyendo toque-de-queda, scolnan lo mester cera y tambe tiendanan. E lockdown parcial, incluyendo café y restaurantnan lo sigui te cu December. Gobierno Hulandes tambe ta introduciendo medidanan cu lo sigui pa dos siman mas entrante Diaranson.
Manera raporta anteriormente, esaki lo inclui museo, cine, parkenan y zoologico y reduccion tambe den miembronan di famia cu por forma grupo pafo. “Si bo ta canando pafo cu mas cu un amigo, bo lo por haya un multa”, segun Rutte.
Shops, salons y otro profesion di contacto lo permanece habri, tambe gym, pero lesnan di deporte cu grupo grandi tambe lo cay afo den e siguiente dos siman. Casino y Pools tambe lo cera, boda y funerario tambe lo contronta restriccionnan adicional. Hulanda tambe ta haci un yamado pa su ciudadanonan no biaha bay den exterior prome cu Januari si esaki no ta absolutamente necesario.
Fuente: DUTCHNEWS.NL