Ta bon pa kisas den futuro ora bin cu un doño di permiso di casino, pa pidi un suma di placa como deposito of garantia pa si algo bay robes e tin placa pa paga tur cos segun mediador di Gobierno, Anselmo Pontilius.
Na momento cu Aura Casino a cera, a invita asociacion di casino. E casinonan tin un asociacion di dunado di trabao y den e caso aki tanto e presidente como e vice presidente a recomenda caba un serie di punto den cual di parti di mediador, sigur ta recomenda.
No solamente pone un deposito, pues tin un reserve cu por, den e caso aki tambe tin un screening debido, kendenan ta drenta como un operador di casino. Tambe den e mesun momento esun cu tin e licencia pa opera e casino, ta responsabel pa e trahadonan. Esun cu tin e licencia tin cu para responsabel totalmente, inclusive pa e trahadonan. Esey ta puntonan cu tin cu ta spera cu den e proximo lunanan, den e caso aki, minister di labor ta esun cu tuma e iniciativa pa trata di preveni esaki y hunto cu minister di husticia, locual e leynan ta toca e casinonan, lo tin cu wordo trata den cual ta trata di preveni, loke ya a sosode mas cu un biaha caba y esaki ta e ultimo, den cual Aruba ta perde di haya su entradanan, pero e trahadonan ta mas cu a carga e consecuencia. Ya tin recomendacionnan cu a pone riba papel y un biaha mas ta pidi e propio asociacion di casino pa nan tambe pone nan recomendacion, pasobra nan ta conciente cu e mundo di casino ta haya un mal nomber y Aruba ta haya un mal nomber, na momento cu tipo di situacion aki surgi. E hotel ta promove, bendebo un producto den cual tin un casino tambe operando, segun mediador Anselmo Pontilius.