Mediador di Aruba Sr Anselmo Pontilius a hiba palabra despues di e reunion cu Triple A, y sindicato STA, unda hechonan pa cual sindicato STA a pidi referendum dia 28 September ariba papel e ta representa e mayoria di e trahadonan y nan ta nan miembro y ta miembro caba y ta pagando contribucion e punto principal cu nos a bolbe splica ta cu na momento cu bo tin un referendum y den e caso aki pa e trahadonan di aeropuerto triple A nv, den caso 172 trahado por a vota y e sindicato cu a pidi esaki ta FTA y e mayoria a vota pa FTA.Den ley ta para cu e doño di trabou tin obligacion pa negosha cu e sindicato mayoritario y e punto discrepancia cu e sindicato STA a pidi referendum pa e cinco departamento y di cual e ta representa e trahadonan y sin contracto colectivo vigente tambe te dia 31. Como mediador nos a informa STA den acuerdo cu e maneho existente cu por tin un referendum pa e cinco departamento 6 luna despues di e referendum cu a tuma luga y esaki lo por ta na Februari. Sindicato STA no ta di acuerdo y e camindanan cu e por a cana ta di bay corte semper pa toets si berdaderamente e maneho ta afecta e trahadonan. Den opinion di mediador ta cu NO nan a referi na un cas na APA y e no ta igual pero ta evidente cu tin un discrepancia akinan. Den e ultimo reunion cu Minister a pidi pa papia cu e partidonan y di cual nos a haci tambe, y a splica un biaha mas di e landsverordering cu ta hopi duidelijk.