Dialuna mainta mediador di Gobierno a manda yama tanto gerencia di Arubus como sindicato STA. Sr. Teo Croes di Arubus cu ta splica con e reunion a bay.
E reunion a bay tocante un protocol cu a wordo firma entre Arubus y STA. E reunion a bay den bon ambiente, y a yega na cierto fechanan pa cumpli cu cierto rekisitonan di ambos banda, pa cual nan mester cumpli. Ta trata di reunionnan cu shopsteward, un biah pa luna, pa bay over di situacion di ARubus. No solamente pa parti di gerencia, pero tambe di parti di trahadonan tambe. A papia di schalering y a yega na un acuerdo ariba esaki. Lo bay traha ariba e structura nobo, entrega esaki na trahadonan pa asina tin un pas laboral.
Esaki segun Sr. Croes, ta hopi bon, pa motibo cu awo nan ta combersa na un nivel hopi bon. A yega na cierto acuerdonan, cu Sr. Croes ta positivo cu lo cumpli cu nan, di ambos banda. Pa loke ta e busnan, a bay un tiki ariba e situacion financiero di Arubus, y kico ta e proceso pa loke ta e adkisicion di busnan nobo, pa cual a informa sindicato di esaki. Mester bin mas reunion entre gerencia di Arubus y shopstewardnan, pa asina tur hende ta ariba mesun nivel di informacion.
Gerencia di Arubus no ta haciendo reunionnan general mas, pero aworaki lo cuminsa un biaha mas cu esaki. Lo cuminsa cu’n training reunion, lo cuminsa cu e chauffeurnan prome, dunanan informacion di con pa trata e busnan, customer service pa nan sa con pa handle cu cu clientenan rabia y tambe e parti financiero, con e compania ta aden, segun Sr. Teo Croes, director di Arubus N.V.