Awe tardi pa 1:57 pm central di polis ta wordo notifica di un accidente frontal entre dos auto na altura di Cura Cabay na San Nicolas.
Ta manda Patruya cu maximo urgencia pa e sitio di accidente. Na yegada di e sitio polis ta pidi presencia di ambulance cu maximo urgencia. Bomberonan cu a yega na e sitio, a traha basta pa sac’e fo rdi e vehiculo. Lamentablemente personal di ambulance no por a haci nada mas pa e chauffer masculino.
Pa 3:15pm Dr. Texier ta constata morto di John Davis, naci prome di november, 1963, na Aruba (di 57 aña di edad). E tabata den compania di su casa, kende ambulance a transporta cu urgencia pa hospital. John ta bon conoci na San Niclas, ya cu e tabata haci trabou di mecanico.
Segun por a compronde, e Yaris den cual nan tabata, a confronta problema cu e brake.
Specialista di trafico y polis tecnico a yega na e sitio pa haci nan investigacion. Slachtofferhulp tambe a acudi na e sitio pa brinda sosten na e famianan cu ta involucra den e accidente pisa aki.
Cuerpo Policial Aruba ta manda palabra di profundo condolencia na famia di e fayecido. Un mensahe na tur chauffeur pa bay trankilo den trafico. Bo famia ta warda bo na cas.