Diaranson tabata un dia special pa McDonald’s Aruba y tambe mundialmente caminda cu nan a celebra e dia oficial di Open Doors rond mundo, segun operations supervisor pa Arcos Dorados Aruba, Suleyma Vrolijk. Open Doors ta caminda cu clientenan ta bin conoce con su cuminda ta wordo traha y procesa y tambe nan por traha nan cuminda preferi e dia ey y nan por wak tur e productonan, cu no ta artificial sino productonan di bon calidad cu McDonald’s ta uza.
A invita hendenan di K9 y tambe Prensa, como tambe Kiwanis, Cuerpo di Bombero y tambe Cruz Cora.
Vrolijk a splica cu esaki ta pa cada hende tin un idea kico ta McDonald’s. Aki tin hopi experiencia inolvidabel, y no solamente cuminda.
Vrolijk a agrega cu a conta hopi di e parti di procedimento manera e apple pie, cu despues di 4 ora no por wordo bendi mas. Tur cos ta cu timer y tur cos ta calidad. Ora cu e pasa su tempo e no ta wordo uza mas. Akinan nan por evalua cuanto producto nan ta bay uza y cuanto nan lo por baha.
Tur cos mester ta 100 porciento. Pesey tin un team di manager cu ta drenta mainta hopi tempran. Nan ta haci un prueba di calidad di tur e productonan prome cu habri pa cliente. Esey ta un standard di McDonalds, cu tur dia tin cu haci’e.