Tur e restaurantnan di McDonald’s na Merca lo elimina aditivonan kimico for di nan hamburger.
E cambio lo afecta e elaboracion di mayoria di su productonan, incluyendo e popular Big Mac.
Diaranson e cadena di restaurant fastfood McDonald’s a anuncia diaranson cu e mayoria di su restaurantnan na Merca, lo stop di uza conservante, saborisante y colorante artificial, segun USA Today.
E politica nobo aki a wordo implemente den e totalidad di 14 mil local di e cadena di restaurant aki, e pais Mericano y lo afecta dos tercera parti di su sandwichnan y hamburgernan, incluyendo esun mas popular, cual ta e Big Mac.
E unico excepcion lo ta e pepinillo, cual elaboracion ta rekeri di conservantenan artificial, aunke cu “clientenan lo por pidi pa esaki no wordo agrega, si nan kier”, Chris Kempczinski, presidente di McDonald’s USA a splica.
Entre e ingredientenan principal cu ta sufri di cambionan bo ta haya:
- American Cheese, cu anteriormente tabata uza acido ascorbico como conservante.
- E saus Big Mac, cu desde e momento aki lo prescendi di e sorbato di potasium, e benzoato di sodium y EDTA calcico disodico, mescos cu e coloranteann y saborisanteann artificial.
- E pan di hamburger, cu su elaboracion lo stop di wordo uza den conservante di propanoato de calcio.
E cadena di cuminda rapido ya caba a implementa e uzo di carni 100% na luga di hamburger di freezer den su Quarter Pounder y a elimina conservantenan artificial di su Chicken McNuggets. Pa 2025, ta pensa di stop totalmente e uzo di weboanan di galiña di farmnan grandi.
E politica a wordo introduci como respuesta na e expectativanan halto di clientenan riba e calidad y e fuente di e cuminda, di modo cu “clientenan definitivamente ta birando mas exigente en cuanto pa sa kico e cuminda ta contene”, Kempczinski a splica.