MERCA – McDonald’s Corp a anuncia cu nan lo bay cuminsa reduci e uzo di antibiotico criticamente importante pa sernan humano den su cadena di suministro mundial di galiña na 2018, a medida cu e gigante di fastfood ta uni na un amplio esfuerso pa combati superbacterianan peligroso.
E compania a afirma den un declaracion di politica cu nan a traha riba plannan di antibiotico pa otro carni, bacanan di lechi y galiñanan productor.
McDonald’s ta rekeri cu e abastecedornan di carni di galiña cuminsa elimina e uzo di antibioticonan defini pa e Organisacion Mundial di Salud como “antimicrobiano criticamente importante di e prioridad di mas halto” (HPCIA) pa remedi humano.
Gruponan di salud publico y consumidornan a aplaudi e decision, cu no ta asina estricto manera e politica di e compania pa Merca, unda cu pa añanan largo e proveedornan a abastece e cadena cu galiñanan cria sin antibiotico considera importante pa salud humano.
Na Januari di 2018 HPCIA lo elimina esaki for di e galiñanan di McDonald’s na Brazil, Canada, Hapon, Zuid Korea, Merca y Europa. Solamente na Europa e compania lo haci un excepcion pa Colistin, un antibiotico di ultimo recurso.
Pa final di 2019, e proveedornan na Australia y Rusia lo stop di uza HPCIA y esnan di Europa tin planea pa elimina Colistin.
McDonald’s a sigura cu dia 17 di Augustus, un grupo di organisacionnan di consumidor y di medio ambiente, cu 74% di su bentanan mundial di galiña lo cumpli cu e politica aki desde Januari 2018, segun e comunicado di Consumers Union, e division di politica di Consumer Reports.
Fuente: http://expansion.mx/