AMSTERDAM, Hulanda – Amantenan di McDonald’s por ricibi nan cuminda preferi desde e proximo zomer na nan porta di cas. E gigante den fastfood ta sigui cu e delivery trend, cuminsando na Amsterdam. E servicio lo bay cuminsa otro luna, segun fuentenan a bisa na AD.
McDonald’s Hulanda ta reconoce cu tin plannan andando, pero no kier a duna mas detaye.
“Delivery ta disponibel caba den hopi pais unda nos ta ubica. Nos ta percura pa nos clientenan tin e gusto eynan y pa nan sinti e servicio aki como uno extra,” segun e vocero di e compania. “Ora ta momento pa bisa algo na Hulanda, nos lo comparti esey,” el a splica por ultimo.
Fuente: De Telegraaf