McDonald’s Aruba a lansa un seleccion di oferta cu ta valido tur dialuna, cuminsando desde 6 di Februari, pa asina yuda bo start bo siman. Ta anuncia e ofertanan riba e pagina di Facebook di “McDonald’s Corsou & Aruba” pa clientenan probecha di nan riba e dialuna cu publica nan.
“McDonald’s ta motiva clientenan na cuminsamento di e siman pa medio di ofertanan cu prijsnan atractivo como tambe dushi productonan y di calidad halto”, asina Sulina Vrolijk, kende ta Operations Supervisor pa Arcos Dorados Aruba a laga sa.
Tur dialuna lo tin un oferta diferente, tanto na e “Automac” (drive-thru), como paden na cahera di bo McDonald’s faborito. E ofertanan lo inclui hamburger, McNuggets, dessert y snacks, pero tambe diferente otro producto di McDonald’s.
Dialuna 20 di Februari, McDonald’s ta habri siman cu su oferta “Dialuna Loco”, ofreciendo comunidad di Aruba DOS (2) sandwich “Quarter Pounder” pa solamente Afl. 8,50. Pa mas informacion, bishita e pagina di Facebook “McDonald’s Curacao & Aruba”.
Arcos Dorados ta e doño di frankisia mas grandi di McDonald’s mundialmente, den termino di benta y cantidad di restaurant. E compania ta opera e cadena mas grandi di restaurantnan di servicio rapido (Quick Service Restaurant/QSR) di Latino America y Caribe. Nan tin e derecho exclusivo pa ta doño di, pa opera y concede frankisianan di restaurantnan McDonald’s na 20 pais y teritorio Latino Americano y di Caribe, incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela. E compania ta opera of tin como frankisia 1,880 restaurant McDonald’s cu mas di 90 mil empleado sirbiendo aproximadamente 4,3 miyon di cliente pa dia.