Diamars 18 di October, McDonald’s Aruba oficialmente a lansa su campaña pa recauda fondo pa Centro Man Na Obra en conexion cu e celebracion anual conoci como McHappy Day, cual ta cay e aña aki riba diabierna 18 di November. Pa e ocasion aki tur hende a gosa di presencia di Ronald McDonald cu a bin specialmente pa esaki.
E lansamento a tuma luga na McDonald’s Sero Blanco den presencia di George Winterdaal, Leo Geerman y Chiara Petrochi pa haci un donacion y yuda crea consciencia pa e campaña.
Esaki ta prome biaha cu tur fondo recauda pa McHappy Day na Aruba ta beneficia Centro Man Na Obra, cual ta provee entrenamento pa trabao y t promove integracion den e comunidad Arubano pa personanan di 16 p’ariba cu un deficiencia intelectual. Participantenan na e centro ta ricibi entrenamento di trabao pa prepara nan pa traha den e mercado laboral, y nan por haci tareanan cu no ta pisa den un ambiente protegi. E participantenan ta traha den grupo, y ta siña haci tareanan cu ta inclui carpinteria, traha cu ceramica, decora ceramica, traha bela, laba auto, laba botter, traha den hardin y strica paña.
Banda di e entrenamento tecnico, tambe ta dedica atencion na e desaroyo di habilidadnan social.
Den nomber di tur e clientenan di Centro Man na Obra nos kier gradici McDonald’s pa scohe nos como su partner pa e campaña di McHappy Day e aña aki. E campanja aki lo yuda nos fundacion y pa integra nos cliente nan mas den nos comunidad y concientisa e director, supervisor of recurso humano di compania pa duna nos cliente un chance husto pa prueba nan mes cu nan por haci un bon trabao.
Sulina Vrolijk, Operations Supervisor di McDonald’s Aruba a bisa, “Arcos Dorados ta orguyoso pa tin como partner Centro Man Na Obra pa nos campaña di McHappy Day 2016 na Aruba. McHappy Day ta yena nos cu anticipacion y ta haci nos masha orguyoso como cu no solamente e cliente ta comprometi pa yuda nos recauda fondo pa un causa cu ta merece, pero tambe henter nos compania tin e oportunidad pa mustra nos solidaridad y curazon grandi, dunando bek na e comunidadnan cu nos ta sirbi.”
Riba diabierna 18 di November, comunidad por mustra nan sosten cu nan bishita na e restaurantnan di McDonald’s, y pidiendo un BigMac. Tur ganashi di e benta di BigMac di e dia lo keda entrega como donacion na Centro Man Na Obra. Cuater siman leu for di McHappy Day, e restaurantnan di McDonald’s na Aruba ta creando consciencia pa e evento cu e promocion di benta di “Helping Hands”, cual ta notanan di papel den forma di man, cual ta wordo bendi pa 1 florin pa sostene e mision di Centro Man Na Obra.
McDonald’s tambe a ofreciendo e programa corporativo McHappy Day na companianan, invitando nan pa cumpra coupon di BigMac pa un cierto suma pa regala nan empleado, cliente, famia y amigonan. E mannan di papel y couponnan di BigMac na pre-benta ta obtenibel for di awe caba te cu, y incluyendo McHappy Day.
McHappy Day ta tuma luga riba diabierna 18 di November simultaneamente na Aruba, Corsou, Colombia, Puerto Rico, Martinique, Guadeloupe, y Islanan Virgen; e fondonan ta beneficia Ronald McDonald House Charities y otro organisacionnan sin fin di lucro local.
Tocante McHappy Day
McHappy Day ta un evento global pa cual miyones ta wordo genera anualmente pa restaurantnan di McDonald’s rond mundo pa obranan di caridad local. Arcos Dorados, e operador di restaurantnan di McDonald’s pa e region di Latino America y Caribe, a genera mas di 14 miyon dollar pa Ronald McDonald House Charities y otro organisacionnan sin fin di lucro pa muchanan durante di e campaña McHappy Day aña pasa.
Pa contribui cu e programa corporativo pa McHappy Day na Aruba, por fabor tuma contacto cu Centro Man Na Obra na telefon 5227859 of via e-mail [email protected]
Pa mas informacion “Like” McDonaldsCuracaoAruba riba Facebook.
Arcos Dorados ta e doño di frankisia mas grandi di McDonald’s mundialmente, den termino di benta y cantidad di restaurant. E compania ta opera e cadena mas grandi di restaurantnan di servicio rapido (Quick Service Restaurant/QSR) di Latino America y Caribe. Nan tin e derecho exclusivo pa ta doño di, pa opera y concede frankisianan di restaurantnan McDonald’s na 20 pais y teritorio Latino Americano y Caribense, incluyendo Argentina, Aruba, Brazil, Chile, Colombia, Costa Rica, Corsou, Ecuador, French Guyana, Guadeloupe, Martinique, Mexico, Panama, Peru, Puerto Rico, St. Croix, St. Thomas, Trinidad & Tobago, Uruguay y Venezuela.
E compania ta opera of tin como frankisia 1,880 restaurant McDonald’s cu mas di 90 mil empleado sirbiendo aproximadamente 4,3 miyon di cliente pa dia. Arcos Dorados ta reconoci como un di e miho companianan pa traha p’e den Latino America. Pa mas informacion tocante di e compania, bishita e seccion di inversionista di e website: www.arcosdorados.com/ir.