E frankisia mas grandi na mundo di Mcdonald’s, cu ta opera e marca na Latino America, ta anuncia cu 25 di maart proximo tur e restaurantnan na Latino America lo paga su luznan di pafo uniendo nan mes den apoyo riba e iniciativa di “Earth Hour”. Esaki ta e di nuebe biaha cu e empresa ta sostene e actividad impulsa pa Fondo Mundial di Naturaleza (World Wildlife Foundation – WWF).
E iniciativa aki ta logra cu tur aña miyones di hende rond mundo ta paga luznan pa conscientisa riba e importancia di uza recursonan natural den un forma modera pa vence cambio climatico.
“Pa Arcos Dorados e ta hopi importante pa uni na “Earth Hour” ya cu e ta coincidi cu e filosofia di e compania. Dia pa dia nos ta busca di laga menos rastro riba nos planeta ora di gestiona e sushi acumula di nos restaurantnan den forma responsabel implementando accionnan pa reduci e consumo di awa y coriente, uzo di ingredientenan local y e diseño di un cadena di suministro mas efectivo,” Lyana Latorre, Directior Superior di Asuntonan Social Corporativo a comenta.
Arcos Dorados tin un compromiso fuerte cu e planeta pa cual motibo e ta realisa diferente accionnan, entre nan ta destaca:
Re-uza e awa condensa genera pa uzo di airco den e restaurantnan pa muha mata, laba e fachada di edificio y diferente otro area manera e Automac. Uzo di awa recicla ta permiti reduci e consumo di awa potabel y di energia considerablemente.
Instalacion di aparatonan pa hasa LOV den e restaurantnan, e tecnologia aki ta permiti pa spaar por lo menos 40% di azeta y ta rekeri menos energia pa keinta.
Restaurantnan ecologico: Localidadnan construi of re-diseña pa cumpli cu e certificacion LEED (Leadership in Energy and Environmnetal Design) unda ta uza sistemanan di colecta awasero pa haci limpiesa riba parkeo y descarga di e wcnan. Ta conta un un instalador eolico cu ta permiti genera coriente uzando biento fuera di uza bombionan LED (Low Emiting Diode) cu ta uza menos energia. E restaurantnan aki ta ubica na Argentina, Brasil, Mexico y Puerto Rico.
Otro medidanan cu e compania a tuma pa proteha e planeta ta: Uza koffie 100% sostenibel certifica pa “Rainforest Alliance” den diferente mercado cuminsando cu Brasil y pisca sostenibel certifica pa “Marine Stewardship Council;” traha hunto cu “Global Roundtable of Sustainable Beef” pa desaroya standardnan y sirbi carni cu ta bin di practicanan sostenibel, inicia pa Brasil na 2016.
Pa haya mas riba e compromiso di Arcos Dorados cu e planeta bishita nan website: www.arcosdorados.com.
