SANTO DOMINGO, Republica Dominicana- Ministerio Publico a faborece un Accion Constitucional di Amparo contra un pareha Testigo di Jehova cu tabata nenga pa nan yiu haya un transfusion di sanger. Nan yiu a nace den un parto prematuro cu shete luna y tabata tin complicacionnan di salud.
E Sala Civil di Tribunal Mucha y Adolescente (NNA) a emiti un sentencia cu ta duna ordo na e clinica di e provincia di Santiago,unda e recien naci ta hospitalisa, pa realisa e transfusion di sanger tur e biahanan cu ta necesario, según protocol di dokternan correspondiente.
Ministerio Publico a bisa den e decision di e tribunal mester wordo ehecuta di biaha. E mucha na su nacemento a wordo diagnostica cu anemia y un proceso bacteriano severo. E baby ya caba a cuminsa ricibi transfusion di sanger.
Fuente: https://noticiassin.com