Un grupo di mayor a uni pa haci un accion di firma pa e casonan di abuso di mucha cu tin castigo pero no ta duna esaki manera mester ta segun Sr. Jairo Maduro.
Sr. Maduro a splica cu e meta tabata pa entrega e accion di firma cu nan tabata bezig cun’e pa 2 luna largo, contra abuso di menor. Mirando tur loke ta pasando den sociedad, caminda Sr. Maduro a keda indigna y asina a cuminsa un accion di firma, pa demostra na Gobierno y tambe na Ministerio Publico e malcontento cu abusonan di menor.
E accion a sali for di nada, simplemente como un tata cu kier proteha su yiunan. Simplemente como mayor a acerca pueblo y asina haci algo al respecto. Sr. Maduro a splica cu su persona, hunto cu Sra. Christine Hernandez y Rumil Barkmeyer, nan a bin cu e iniciativa aki, sin cu nan tin un stichting, y tampoco partido politico.
Sr. Maduro ta na altura cu leynan a wordo cambia, castigonan a bira mas halto. Pero loke nan kier, ta pa Ministerio Publico cuminsa haci algo al respecto, paso e leynan t’ey, dus ban pone mas castigo pa e malhechornan.
Kico ta loke Sr. Maduro a sinti cu a bin cu e accion aki, of kico ta falta den e leynan?
Nan kier acerca Parlamento, pa acerca e ministernan en cuestion pa bin cu mas plan di conscientisacion. E proposito lo ta pa educa pueblo riba un nivel nacional. Dus mester educa e mayornan, educa e maestronan, instancianan pa tur hende ta riba un solo nivel.
Asunto di abuso di mucha, no mester ta un taboe mas. Aruba mester cuminsa na papia over di e tema pa asina trece claridad.
Pa Sr. Maduro e tema di abuso di mucha ta den man di husticia paso Parlamento a haci su trabou pero e sistema di duna castigo ta hopi abou. E fiscalnan cu ta exigi castigonan asina abao. Sr. Maduro kier haci un yamada na Ministerio Publico pa por fabor, pone un straf mas severo, pa esunnan cu tin pensa di haci algo asina, ya cu e castigo mester ta mas halto.
Un castigo pa abuso di mucha, di 28 luna (dos aña y 4 luna), e ta un abuso y e ta un abuso na e mayornan y e mucha cu no tin e proteccion.