E problematica di videogaming, a cuminsa di hopi tempo caba. Pero awo el a cuminsa bira mas grandi. Ora cu wak researchnan di Merca, ora di wak Columbine High School y e wega BOOM, ta letterlijk y figuurlijk, bo ta wak con e wega ta hinca den otro, con ta subi di level. Sr. Anthony Comenencia, di Consultorio pa Asunto di Adiccion ta splica.
Den weganan aki manera Marvels, cu ta un wega di Superheroe, pero ta bay over di tiramento. Y tiramento ta bay pa matamento. Durante un conferencia na Corsou, un hoben a conta su storia, con e tabata adicto na videogaming. Den Call of Duty, ta ilustra Segunda Guerra Mundial. Tin mucha cu tabata hasta muri ta hungando wega. Nan ta keda hunga, sin worry cu higiena, cu no ta worry cu come, ni nada. Ta importante pa e mayor envolve su mes cu ken su yiu ta anda. Si un mayor ripara cu su yiu tin 16 hora ta hunga wega, sin sali for di camber, ta tempo pa e mayor bati na porta y saca e yiu for di camber.
Hunto cu FADA, nan ta purba di bin cu e conferencia aki Aruba otro aña, pa por trece mas informacion pa e maestronan y vooral e muchanan cu ta bezig den e mundo aki, pa mustra nan kico ta e desbentaha di esaki, pasobra cu e mucha ta bay cambia. Y un mayor lo ripara esaki cu interes na scol ta baha, puntonan ta baha. Nan ta haya e actitud di contesta bek. No por bisa cu e mucha ta adicto na wega, pero mester bay wak ki wega e mucha ta hunga y con hopi e ta hunga. Cu e investigacion necesario, lo por trece e congreso aki Aruba.
Un factor cu ta hunga un rol grandi ta cu hopi mayor awendia ta jong,y nan kier sigui keiro, y pa mantene e mucha trankil, sin cu esaki ta molestia, nan ta prefera di duna e mucha un telefon of tablet pa asina e por ta keto. Y loke a wordo ilustra cu e rayonan radioactivo ta drenta e celebro di mucha, vooral un baby cu’n tablet su dilanti. E rayonan aki ta haciendo daño y ta stroba e celebro di desaroya. Durante e conferencia a haci hopi scan y e diferente edad, por wak e dañonan. Ta e grandi como mayor, y e mucha homber cu a duna su testimonio durante e congreso, mester controla kico e yiu ta haci. No ta pasobra cu e mucha ta fastioso, ta core dun’e. Eynan ta dun’e un arma pa e bira adicto. Un mayor por controla kico e yiu ta hunga. Esey tambe ta un parti importante, pa e mayor ta atento ariba dje. Mayoria wega ta 18+ y ora di cumpra un wega, wak kico ta cumpra pe. No cumpra pasobra cu e ta famoso. A lo largo e ta bay salibo caro.
Centro pa Asuntonan di Adiccion hunto cu FADA ta bezig ta cerando un proyecto, pa yega na e scolnan, cuminsando di chikito bay grandi, y hunto cu FMA di Corsou, pa bin cu diferente orador, cu a haci tesis ariba esaki y cu tin diferente tools, pa asina e maestro por tin un voorsprong ariba dje, pa cuminsa traha ariba esaki. Te asina leu, Sr. Arturo Comenencia di Centro pa Asuntonan di Adiccion.