Den ultimo dianan tin un potret ta circula ariba rednan social, di un mangel den un paki di spiderman, pa cual Sra. Rulienne Arends, di FADA ta amplia mas ariba esaki.
FADA a haya varios yamada di mayornan preocupa pa cu esaki. Naturalmente FADA tambe ta bay averigua kico tin di berdad tras di esaki. Tin di bisa cu no tin nada oficial, manera indica door di Cuerpo Policial. Pero si tin di para keto ariba e parti di peliger cu e por bin cun’e. E ta algo hopi facil pa hende trece droga pa un pais manera Aruba.
Hende por pensa cu e ta solamente un mangel y esaki ta un manera hopi facil pa cumpra, mas tanto online, ya cu nan ta hopi barata. Mester keda informa pueblo cu esaki ta algo pa cual mester ta cauteloso. Aworaki no tin nada oficial, y manera cu tin algo oficial, lo anuncia esaki.
SI FADA ta pidi tur mayor, tur educador pa keda informa e muchanan pa no tuma nada for di niun hende. Keda informa e muchanan. SI un mucha haya un mangel y e mayor tin duda ariba esaki, hib’e na esunnan cu por check esaki y si e ta droga, por informa di esey tambe.
Constantemente ta haya varios research di instancianan di afo, di Merca y Hulanda, pa asina FADA keda up to date di tur cos nobo cu ta bini, pa cu si nan hay’e, FADA tambe por ta na altura di esaki, segun Sra. Rulienne Arends, di FADA.