Directora di Commandeur Pieter Boer Kleuterschool, Sra. Sonja Hoedhop ta haci un yamada na e pueblo di Aruba, specialmente na mayornan cu si nan tin problema pa bati na porta di ayudo. No warda te ora cu algo bay for di man.
Sra. Sonja Hoedhop a bisa cu tur dia ta un dia di gradici, aunke tin biaha e dianan ta duro. E dianan duro ta bin, pa siña nos algo. Esaki ta un dia cu nos ta siña algo hopi importante pero alabes pa wak unda nos por trece mehoracion tambe.
Directora di Commandeur Pieter Boerschool, a bisa cu di parti di scol pa comunidad, pa nos bay bek na proteha otro. Un comunidad cu ta bisa algo ora cu nan ta ripara cu algo ta bay robes. Hopi biaha nos no ta ripara nada cu ta bay robes, pero toch cos ta bay robes. Pero pa, pa ta mas alerta pa cu nos muchanan. No solamente, nos muchanan, pero nos grandinan tambe, cu hopi biaha mester di e atencion, nos grandinan cu mester di e guia pa asina duna e muchanan e miho cuido posibel.
Loke cu Juffrouw Hoedhop kier bisa, cu esaki ta un momento hopi tristo, pero ta un momento pa e comunidad chikito di Aruba, pa crece y para keto pa realisa cu nos mester di otro. Nos mester di otro, pa cuida otro. Nos mester di otro pa haci cambionan. Y nos mester di otro, pa cuida nos como adulto tambe, cu ta mayornan cu eigenlijk mester duna nos muchanan e proteccion.
Un mayor cu mester di yudansa no por duna proteccion na su yiu. P’esey e grito ta bay na tur e mayornan, cu ta den problema, den cualkier problema cu e por ta. Nos tin un sistema cu t’ey pa e mayornan aki y cu nos por salba bida di nos muchanan.