Mayornan cu’n polemico bataya legal pa mantene nan yiu na bida

PARIS, Francia – Mayornan di Vincent Lambert ta librando un bataya legal pa mantene nan yiu na bida, mientras cu su casa ta apoya e decision di e dokternan di stop su nutricion y hidratacion.

E personal di e Hospital di Sebastopol di Reims, Francia, dialuna a cuminsa e protocol pa pone un fin na e bida di Vincent Lambert, un pashet tetraplejico cu ta den estado vegativo debi na daño ireversibel cu el a sufri na su celebro como consecuencia di un accidente di trafico na 2008.
Lambert su famia ta dividi den relacion pa cu su futuro, y el a bira den e simbolo di debate riba eutanasia of, manera cu hopi medionan di comunicacion ta describi’e, derecho ariba un “morto digno”. Asina e casa di Vincent Lambert, cinco di su rumannan y su sobrino, ta percibi e interupcion di hidratacion y alimentacion artificialinco di Vincent Lambert.

Un morto digno

Sinembargo, mayornan di e pashent, un ruman muhe, un mita ruman, ta di opinion cu Vincent ta un persona discapacita y cu door di corta su nutricion y hidratacion, ta ekivalente na e forma di eutanasia, un procedimento prohibi na Francia.
Di otro banda, e dokternan a trata e pashent pa e Ley Claeys- Leonetti di 2016, cu ta prohibi eutanasia y suicidio asisiti pero ta autorisa e interupcion di tratamento den casonan manera di Vincent. Na 2014, e dokternan di Lambert, respalda pa su casa y su rumannan, a dicidi di interumpi e nutricion y hidratacion di e pashent segun e ley aki.

E decision a wordo tuma pa su dokter door di ausencia di evolucion neurologico faborabel, ya cu sigui aliment’e representa un “obstinacion irasonabel”, un di e condicionnan previsto pa e ley ya menciona.
For di e tempo ey, e lucha legal di mayornan di Vincent ta mantene na bida. Diasabra ultimo, nan a manda un carta na e presidente Frances, Emmanuel Macron, pidiendo e pa yudansa. E mandatario a admiti dia 20 di mey riba su cuenta di Facebook cu e ta profundamente “conmovi” pa e situacion di Vincent, pero “como presidente di e republica”, el a declara cu e no ta depende di dje “pa suspende un decision cu ta un decision di e dokternan y cu e ta di acuerdo cu e leynan”.

Comments

comments