Mayornan condena na 20 aña di prizon pa a purba mata nan yiu di 4 aña

SAN JOSE, Costa Rica – Diaranson corte di Costa Rica a condena un pareha na 20 aña di prizon pa a purba mata nan yiu di 4 aña, na kende nan a aplica castigonan fisico severo.
Ministerio Publico a informa cu e sentencia cu Carlos Alberto Rodríguez Ramírez y Michelle Fernández Flores, tata y madrastra di e menor, respectivamente, cu nan a comete e hechonan aki entre 1 di october y 12 di december 2012.
“Den e lapso di tempo aki, e victima a wordo someti na maltratonan constante y agresion, cu a provoca lesionnan multiple, manera marcanan blauw na varios parti di su curpa, heridnana na su cuero, supuestamente ocasiona pa un panchi cayente”, Ministerio Publico a indica den un comunicado.
Autoridadnan a bisa cu e menor a sufri otro agresionan manera mordi na su cara.
“Tur e maltratonan a pone e mucha den risico den morto y a provoca cu tabata den un estado grave di desnutricion”, Ministerio Publico a indica.
Dia 14 di mei ultimo, Unicef a pidi Costa Rica pa fortalece su politicanan y accionnan pa evita violencia contra di menornan, den cuadrdo di un serie di maltratonan contra di menornan, cu ta inclui e morto di dos mucha.
“Na e edad asina jong di e dos victimanan infantil tin cu genera indignacion nacional. Como sociedad nos mester ta capas di garantisa nan derecho na bida. Esaki mester pone nos reflexiona profundamente ariba su derecho di bida. Esaki mester pone nos reflexiona ariba e debilidadnan di e sistema di proteccion y su impacto ariba e perdidanan di bida”, e representante representante di Unicef na Costa Rica, Gordon Jonathan Lewis, a bisa.
E dos casonan na cual Unicef ta referi tabata di un mucha di 5 aña cu a muri door di supuesto agresionnan fisico y psicologico di parti di su mayornan, y di un baby di dos siman di naci cu a fayece posiblemente victiman di e sindrome di mucha sacudi.
Den ambos caso autoridadnan hudicial a duna orden di detencion contra di e mayornan di cada menor.

Comments

comments