WASHINGTON, D.C., Merca – E eleccion aki tin tur di haber cu Donald Trump, ora cu mayoria votado a vota specificamente sea na su fabor of su contra. Mita di e votadonan a bisa cu e polisa di Trump encuanto imigracion ta demasiado duro, mientras cu un tercera parti ta bisa di ta di acuerdo y masha poco 15%, ta bisa cu esaki no ta suficiente, segun un encuesta preliminar di CNN.
Mas di 40% por ciento di e votadonan den e eleccionnan di 2018 ta aproba e trabao cu Trump ta haciendo como presidente, segun e encuesta preliminar di CNN riba e votacionnan. Tres di 10 votado a bisa cu nan ta aproba e gestion di Trump, mientras cu casi mita a bisa di ta deaproba di su gobernacion.
Casi dos tercera parti di e votadona a bisa cu Trump tabata un factor den nan votacion cu a pone Trump den White House awe. Un kwart di e votadonan a bisa cu nan vota tabata den apoyo di e presidente mientras cu 40% a bisa cu nan voto di diamars tabat contra di Trump.
Un mayoria, algo mas cu mita, a bisa cu e pais ta ariba e caminda incorecto. Un 40% a bisa cu e pais ta den e bon direccion.
E ley di belasting proponi di Republicanonan y promociona pa Trump no tabata tin un impacto grandi ariba e votado Mericano su finansa personal, segun e encuesta. Mas bien, casi mita a bisa cu nan no a wak niun impacto, mientras cu 3 den 10 votado a bisa cu e ley a yuda y un kwart di e encuestadonan a bisa cu e ley a perhudica.
Pa loke ta su politica comercial, cual ta inclui tarifanan nobo impone riba paisnan extranhero y un actualisacion di NAFTA, di cual un tercera parti a bisa cu e no tabata tin impacto riba e economia den nan area, pero casi 30% a bisa cu e politica comercial a bsia cu e tabata tin impacto negativo ariba nan. Un kwart ta indica cu e politica comercial a yuda e economia den nan area.