Diabierna 28 di yüni 2024 Luitenant Naval 1e klas Marc Jereskes a pasa komando di nave di apoyo Zr.Ms. Pelikaan na Luitenant Naval 1e klas Max Borsboom. E traspaso di comando a tuma luga na pier RIMA na Base di Marina na Parera, den presencia di tripulacion y famia di ambos Comandante.
Marc ta mira bèk atras riba un periodo bunita: “Ta duna mi hopi satisfaccion ora mi mira bèk riba e periodo aki. Mi ta orguyoso cu mi tabata forma parti di un team, den cua e tripulacion tabata para cla pa otro, di dia y anochi.”
E ehercicio internacional “Trade winds’ tabata e ultimo ehercicio grandi pa Marc, como Comandante di Zr.Ms. Pelikaan; durante esaki lasonan internacional den Region Caribe a keda fortalece y e tripulacion di Zr.Ms. Pelikaan a keda di trein pa wordo desplega durante temporada di horcan.
E Comandante entrante, Max Borsboom, a start su carera como Official di Warda riba Zr. Ms. Rotterdam y despues a sirbi entre otro como Oficial di Buceo na Grupo di sambuyado na Defensa, y tambe como Oficial di Defensa Aereo riba Zr. Ms. Evertsen.
Max ta anticipa su prome comando riba un Barco di Marina: “Mi ta considera esaki un honor grandi cu durante e añanan bender mi por eherce e comando riba Zr. Ms. Pelikaan, mi tin hopi gana di haci esaki! E ta un responsabilidad grandi pa rendi sosten relevante maritimo militar cu e barco versatil aki y su tripulacion dedica; no importa di unda cu esaki ser pidi. Nos t’ey cla pa esey!”
Bou di guia di Luitenant Naval Max Borsboom Zr.Ms. Pelikaan ta continua cu su tareanan operacional.