Diabierna 17 di Maart 2017 Mr. Mauritsz de Kort a keda postula door di Conseho di Minister di Reino pa bira vicepresidente di Corte Comun di Husticia di Corsou y Boneiro. Mr. De Kort ta sucesor di mr. Eunice Saleh, kende a bira presidente di Corte na Januari ultimo. E postulacion ta drenta na vigor dia 1 di April 2017.
De Kort a nace na 1973 na Aruba. El a bay VWO na Colegio Arubano y despues a sigui pa HEAO na Arnhem. Despues di a termina HEAO el a cuminsa studia ley na Universidad di Leiden. De Kort a termina esaki na 1999 y mes ora a sigui pa e master ‘postdoctoraal’ na Universidad di London.
Despues di su estudio De Kort a traha algun aña como abogado na Corsou, Aruba y Sint Maarten. Na 2007 el a cuminsa cu e estudio pa bira hues, esta Rechterlijke Ambtenaar in Opleiding (Raio). El a termina esaki na 2011. Di 2011 pa 2015 De Kort a traha como hues na Corsou. Despues el a traslada pa Corte na Sint Maarten, caminda el a sigui cu su trabounan. Prome cu su traspaso pa Sint Maarten hues De Kort tabata encarga cu prensa na Corsou (Persrechter) y na Sint Maarten el a eherce e funcion aki tambe te cu 1 di Maart 2017. Cu su nombramento hues De Kort ta regresa Corsou pa drenta den e funcion di vicepresidente.