Nacionnan Uni a proclama dia 15 di september como Dia Internacional di Democracia.
Pa aña 2017 e tema ta: “DEMOCRACIA Y PREVENCION DI CONFLICTO”.
“Nos tin cu para keto na e tema aki cu ta di sumo importancia pa tur continente, henter mundo, tur pais y sigur tambe nos dushi Aruba.
E tema di e aña aki ta pone su focus riba un necesidad fuerte pa fortifica paisnan democratico pa promove paz y stabilidad. Un acercamento of pensamento ta, pa cada oportunidad cu ta presenta mester un gobernacion efectivo pa percura pa nos tin un sociedad integro. Tur esaki haciendo uzo di respet pa derechonan humano, conocemento di ley y mas aun mantene nos mes na ley,” Malmberg ta bisa.
AVP su maximo deseo ta cu Aruba keda un sociedad dinamico cu tin e habilidad di duna splicacion di temanan tin biaha dificil haciendo uzo di dialogo y rasona cu otro.
Si haci uzo di debati (y usa voz alto) esaki semper lo nifica cu tin un ganador y e otro ta automaticamente ta perdedor. Esaki ta promove paz?
“Den democracia di Aruba, AVP y ami Maurits ta netamente en busca di dialogo cu tin como base combersacion, scucha otro, acepta y esun di mas importante: respet pa diferencia di opinion.
Riba e dia di democracia nos mester sinti nos honra cu Aruba ta brinda e oportunidad di expresa opinion. E derecho di voto ta uno cu den ful e temporada di campaña nos a boga pa duna informacion tocante e parti sagrado aki. Esun cu ta bon informa, por kies cu seriedad y segun su consenshi. Na Aruba, cu ta boga pa democracia ta mira cu nos habitantenan Arubiano ta consciente cu votamento ta primordial. E ultimo añanan nos por mira cu cada bez mas y mas hende ta haci uzo di nan derecho di voto. No ta na tur pais ta duna su comunidad e chens pa papia liber, kies liber y vota liber. “Aruba por cana cabes na laira, dunando comunidad e sosten pa carga democracia y bin cu solucion concreto ora ta trata temanan, pa menciona algun: social, economia of deporte.
Halza bo bandera y vota consciente pa AVP #NR22 MAURITS MALMBERG dia 22 di September 2017.
Vota pa progreso, dinamismo y solucion di conflicto. Semper haciendo uszo di dialogo
Bo Amigo Maurits ta cla pa drenta den combersacion cubo!