Durante e 2019 Campeonato Centro Americano y del Caribe (CCCAN) na Christchurch Barbados, e Confederación CCCAN a eligi su dirigentenan pa e próximo 4 anjanan, esta 2020-2023. Den e elección, representante di Arubaanse Zwembond (AZB) Maureen Croes, a keda eligi como e presidente di Union Americana de Natación (UANA). UANA, e órgano mas halto di e continente Americano pa e deportenan aquatico, ta forma parti di FINA. FINA ta representa tur deporte acuatico den Comité Olimpico Internacional. Cuater región ta forma UANA: Estados Unidos, Canada, CONSANAT, cuta e paisnan SurAmericano y CCCAN, cu ta representa e paisnan di Caribe, Central America y Mexico. Croes lo cuminsa su trabou 12 di Augustus pa e próximo 4 añanan te cu e Weganan Panamericano di 2023.
Maureen Croes, consehero tecnico di Arubaanse Zwembond, ta mama di e landadonan Ashley, Derek, Jordy y Patrick. Maureen mes tawata un landadora, coach y oficial di landamento. E tawata parti di e organisacion di e competencianan International na Aruba manera CISC, CARIFTA y CCCAN.