Muhenan sano cu tin yiu di un pareha sano despues di 33 aña di edad, tin probabilidad di biba mas tempo compara cu e mamanan mas hoben, segun un estudio reciente.
Sin embargo, esaki no mester ta motibo pa posterga, expertonan a bisa.
E muhenan cu pa rasonnan distinto tin un yiu na drempel di menopausa, ta gosa di un mayor longetiviedad, segun un investigacion di Boston University Medical Center, cu a publica den “Menopause”.
“Por supusto cu esey no ta nifica cu e muhe ta spera pa tin yiu na edadnan mas avansa cu e fin di mehora su posibilidadnan di biba mas,” Thomas Perls, autor principal a bisa den un comunicado. Y a agrega cu e fertilidad ta disminui cu e paso di e añanan, conforme cu e curpa ta bira mas bieu.
E investigadornan a realisa e analisis profundo riba 462 muhenan di edad avansa den un estudio di largo plazo. Y a sigui e fecha di nan parti, consignando e datonan aki te na final di bida di e participantenan.
Curiosamente, e analisis a mustra cu e muhenan cu tabata tin un yiu despues di 33 aña, tabata tin dobel di e probabilidadnan di biba te cu 95 aña, compara cu e muhenan cu tabata tin su ultimo yiu na edad di 29 aña.
Cientificonan a señala cu e datonan aki ta splica algun rason di e longetividad di e muhenan riba e hombernan aki. “E hayasgo por ta un pista dicon 85% di e muhenan ta biba te cu 100 aña of mas, mientras cu solamente 15% di e hombernan ta logra,” Perls a bisa.
Sin embargo, ta importante señala cu hopi otro factor tin cu tene na cuenta pa alcansa longetividad, ademas di genetica. Stress, por ehempel, ta un factor hopi importante cu ta influi den e speransa di bida, cientificonan a bisa.
Mamanan madura, un tendencia
Den actualidad, cada biaha mas muhe ta dicidi di bira mama na un edad mayor cu un decada pasa. Uno di cada 5 tin nan prome yiu, despues di 35 aña y mayoria tin embaraso y babynan saludabel, aunke estudionan ta demostra cu nan ta exponi na algun riesgo special.
Te cuanto tin cu warda? E muhenan ta experimenta un disminucion di fertilidad despues di 30 aña. Ta frecuente cu desde 35 aña padilanti ta hiba mas tempo pa keda na estado, pasobra nan ta ovula cu menor frecuencia y debi na problemanan di salud u ta mas comun despues di e edad aki, e Biblioteca Nacional di Medicina, a informa.
Riesgonan di ta mama madura
E Colegio Americano di Obstetra y Ginecologo (ACOG) ta informa cu nan ta enfrenta un mayor riesgo di sufri presion arterial halto y cu por empeora durante e embaraso. Esaki por ocasiona placenta previa y problemanan den desaroyo di e fetus. Otro problema ta cu nan ta mas exponi den desaroya diabetes gestacional.
Adfemas, e probabilidadnan di tin un parto via cesaria ta aumenta e dobel despues di 40 aña. Tambe nan ta expone na un riesgo mas halto di nacimento sin bida di e fetus y cu partonan prematuro, es decir, prome cu a cumpli 37 siman di embaraso.
Fuente: holadoctor.com