Diabierna durante su oranan di trabao, un security di Aruba Ports Authority ta nota cu den waf di Oranjestad tin un turtuga marino mal herida. E security, Sr. Cornelis Wernet a haci tur loke tabata na su alcance pa a trece turtuga aki tera pa asina duna yudansa y cuido adicional.
Lamentablemente, e turtuga semi adulto tabata morto. Durante inspeccion a bin tuma nota cu e nek di e turtuga como tambe su hala dilanti, na banda drechi, y su hala banda robes no tabata tey mes.
Rednan di pesca y liñanan di piscamento di monofila ta un menasa grandi pa e turtuganan marino. Door cu e turtuga a keda pega den e liña di pisca, esaki a causa cu e turtuga marino aki a hoga.
Ta haci apelacion na piscadonan pa por fabor, no laga boso materialnan di pesca, bandona den lama.