Diahuebs mainta habitantenan di Montaña a scucha un desordo fuerte band’i nan cas y ora a bay wak ta e antena di radio di nan bisiña a kibra den dos, y e habitante por a mira e persona ta colgando na e mast debi cu e tabatin harnas na su curpa.
Di biaha a drenta cura di cas y a corta e harnas y a cuminsa cu CPR, debi cu e persona no tabata reacciona. A bati alarma na autoridad tambe, unda ambulance y polisnan a keda dirigi di biaha p’e sitio.
Na yegada di autoridad e habitantenan tabata cu cpr y paramedico a tuma over, segun e personanan e persona lo a subi e mast di e radio amateur pa haci trabou, pero e mast a kibra den dos y e homber a keda ta colga y nan a corta e wayanan na su curpa pa asina purba skape. Pero tabata envano paramedico a haci nan intento y na final a notifica pa dokter presenta pa constata morto. E homber di fam B, tabata un persona cu ta sufri di salud y posiblemente cu e calor y a bira malo di e sucedido lo a pone cu a fayece di biaha.
Por a tuma nota cu e mast cu ta wanta e antenanan no tabata den bon estado, esaki ta trabou di DTI pa controla e situacionnan aki.
A notifica slachtofferhulp pa presenta pa asina atende momento cu famianan y amistad presenta. Personal di DTI tambe a keda poni na altura pa bin mira e situacion di e mast cu ta cay bou di nan encargo.
Na final auto funeral a presenta pa bay cu e morto pa cas funeral.
