BELEM, Brazil – E massacre a tuma luga den un bar den un region noord di Brazil. Autoridadnan ta di opinion cu esaki por tabata un enfrentamento entre narcotraficantenan local.
Al menos diesun persona a muri ora cu nan a wordo tira mata pa shete homber arma den un bar di e ciudad Brazilero di Belem, den e estado Pará, segun e corant local Folha.
Segun autoridadnan local, autornan di e tiroteo a yega na e local den tres auto y un brommer, pa despues cuminsa tira contra di e clientenan di e bar. E fayecidonan ta cinco homber y 6 muhe, inclui e doño di e luga. Un di diesdos di victima di e tiramento a ricibi varios herida di bala.
Un di e versionnan di e investigacion ta sugeri cu e tiramento lo por tabata e resultado di un disputa entre gruponan criminal cu ta controla e trafico di droga den e region. Polis Civil di Pará a investiga e motibonan di e massacre, y e autornan ainda no ta conoci.