CALIFORNIA, Merca- Despeus di cu’n candela feros a destrosa nan cas, un pareha a regreea y a descubri cu nan cacho a keda warda riba nan tur e tempo aki.
Despeus di a perde nan cas den un di e candelanan forestal mas devastador di California, un pareha cu a wordo evacua di e pueblo di Paradise, a regresa nan cas destrosa, pa wak si por tin algo cu nan por rescata ainda.
Pero no tabata tin nada di material di balor, solamente as y palo kima, pero si nan a haya un miembro di nan famia, cu a keda eynan, wardando ariba nan. Ta trata di e mascota di e famia, un cacho yama Madison.
E historia cu a conmove miles di persona a wordo comparti originalmente pa K9 Paw Print Rescue, un organisacion sin fin di lucro, cu ta dedica na yuda animalnan den e zona aki.
E grupo a comparti e anectoda di e pareha a trabes di nan perfil oficial di Facebook, y a inda cu ” na principio nan tabata devasta cu nan mester a bay sin Madion, y no a keda nan nada otro di pidi Dios pa cu e cacho por tabata salvo”.
Ora autoridadnan por fin a duna permiso pa regresa unda cu nan cas tabata ta, nan a bin haya nan cacho sperando ariba nan.
Na november ultimo, e candela Camp Fire, a arrasa cu no menos di 18 mil structura na California noord. E saldo tabata di 85 persona cu a fayece.
Hopi ta e famianan cu mester a wordo evacua rapidamente, lagando nan mascotanan atrás.