MAS y Raiz a ranca sali duro en busca di firma

Dialuna mainta a cuminsa pa recoge firma pa e partidonan nobo, of cu no tin asiento den Parlamento, por participa den e proximo eleccion parlamentario di dia 25 di juni awo.

Te cu 3’or partido MAS lidera pa drs. Marisol Lopez Tromp ta dilanti cu mas firma logra, esta 247. E siguiente ta Razi cu a haya 208 firma caba, sigui pa UPP cu 116, PP a haya 105, Accion21 a yega 104; Partido PPA a yega 91, CURPA 37 y cerando cu HTC cu a logra 17 firma.

E partidonan cu kier participa den e proximo eleccion mester logra haya 587 firma y despues di esey e berdadero campaña ta cuminsa.

Tur e partidonan aki tin un siman di tempo pa logra haya e firmanan necesario. Tur esnan cu kier coopera cu un di e partidonan aki por pasa na e filial di Censo riba L.G. Smith Blvd; MFA Noord y Savaneta  te cu 8.30 di anochi.

E posibilidad di firma pa un partido ta cera dia 18 di mei. Diahuebs awo tur luga ta cera ya cu Dia di Asuncion.

Comments

comments