PYONYANG, Noord- Korea- Un centenar di trahado di Punggye-ri, e luga caminda cu testnan subteraneo di e programa atomico di Kim Jong-un, lo a a keda dera door di un derumbe y forsanan di rescate a keda dera bou di un otro derumbe, segun television Hapones. E desaster lo por laga radiacion los den e atmosfera.
Mas di 200 persona lo a muri pa e colapso di un tunel den un centro di prueba nuclear di Noord- Korea causa door di e prueba atomico, segun medionan Hapones y Surcoreano.
E tunel subteraneo a derumba na principio di September na Punggye-Ri, noordoost di e pais, despues di cu e regimen di Kim Jong a haci su di seis prueba nuclear y esun mas potente, e cadena Hapones TV Asahi citando fuentenan Norcoreano.
Un di e 100 trahadonan a keda pega den e prome colapso, mientras cu otronan tabata victima den un di dos derumbe durante e tareanan di rescate, hibando e conteo na 200 persona presuntamente morto.
Expertonan ta adverti cu e pruebanan aki lo por haci cu e cero lo por bin abao, liberando gran cantidad di radiacion den e atmosfera y den un zona cerca cu e frontera di China.
Fuente: https://www.infobae.com/