SALVADOR, Brazil – E cantidad di morto despues di dos naufragio di e siman aki na Brazil a subi te cu 41. Esey ta loke e agencia di noticia, AFP a informa, a base di autoridadnan local di e pais.
Diahuebs mainta, un boto a sink den e bahia cerca di e ciudad Brazileño, Salvador, den e parti noordoost di e pais. Di e 139 naufragonan, 22 a fayece. Servicionan di ayudo por a salba 21 naufrago. Decenas di hende ainda ta perdi. Con e boto a sink, ainda ta wordo investiga.
Diahuebs ultimo, a tuma luga un otro catastrofe maritimo, pero den e pardi noord di Brazil, den e estado di Para. E boto, cu 70 naufrago, a sink den e riu di Xingu, un riu alterno na Amazona. Akinan 19 persona a fayece.
E investigacion con e boto por a sink, ainda ta andando. Segun un testigo, e boto a kibra den pida, caminda cu el a sink. Un bela cu tabata habri riba dek di e boto como proteccion contra awasero, a dificulta e naufragonan pa bandona e boto. Diaranson, autoridadnan a laga sa cu 25 pasahero a logra yega canto.
Fuente: www.wel.nl