Diadomingo a sali un otro delegacion di Cruz Cora Aruba rumbo pa Sint Maarten. E coleganan, Randolph Wiersma y Jairo Romero a forma parti di e delegacion pa bay yuda e damnificadonan di horcan Irma. Den curso di dialuna, Alvin ‘Chino’ Geerman lo join nan. Nan trabou primordialmente lo ta pa asisti autoridad den shelter y naturalmente pa lo cual ta asuntonan di awa di bebe. E coleganan aki algun siman pasa a participa na un training di sanacion di awa na Surinam, hunto cu delegacionnan di Cruz Cora di Aruba, Boneiro, Corsou, Sint Maarten y Surinam. E conocemento obteni eynan, awor ta resulta hopi valioso den e ayudo na St. Maarten. Ta desea nan hopi forsa y exito cu e trabou.