ROTTERDAM, Hulanda- Diadomingo a tuma luga un tiroteo den e bario di Ommoord, na Rotterdam caminda cu un homber di 21 aña a fayece a consecuencia di e heridanan ricibi.
Testigonan a declara na polis cu nan a wak por lo menos dos persona subi auto y huy for di e sitio, despues di e tiroteo.
Polis a encarga binti recherche pa cu e investigacion di e caso aki. A pesar di e esfuerso di polisnan, e malhechornan a logra huy toch. Un auto uza pa e malhechornan a wordo haya despues na Zernikeplaats, cerca di unda e victima a perde su bida.
E prome melding a drenta diadomingo anochi, pa mas o menos 22.15. E victima tabata cu algun amigo tabata sinta pafo di e vivienda, unda cu e victima tabata di bishita. Personal di ambulance a purba traha cun’e, pero esaki tabata envano.
Door di e bon tempo, bisiñanan por a sigui e incidente di cerca, sea door di e bentananan cu tabata habri of door di tabata sinta den nan hardin.
Fuente: www.rtlnieuws.nl