HAZERSWOUDE, Hulanda- Durante un rutina di control cientos di kilo di soft y hard drug a wordo haya den un warehouse na Hazerswoude, Zuid- Holland. E droganan aki tabata scondi den un carga di articulonan di Pasco cu tabata a punto di wordo transporta pa Inglatera.
Esaki a tuma luga diamars, pero a wordo haci publico te cu diahuebs.
Un vocero di FIOD (Fiscale Opsporingsdienst) no por a bisa ni di ki tipo di droga tabata tin den e cargamento y tampoco cuanto kilo a wordo confisca. Si el a informa cu e droganan a wordo tuma den beslag inmediatamente y a wordo destrui. No tin niun aresto ni tampoco sospechosan den e caso aki.
E caso ta bou investigacion, den cual tin participacion di tanto FIOD como Ministerio Publico.