Durante un conferencia di prensa duna pa CORE NV, Vanessa Chong ta splica kico nan ta haciendo pa e parti di registracion di censo Aruba den e dianan aki. El a splica cu ta actualisa e datonan di registro di populacion di censo na Aruba. Den cuadro di e proyecto aki, den fin di 2016, CORE NV a manda un total di 11.412 carta. E carta aki a wordo dirigi na personanan, na cual tabata tin duda tocante nan residencia na Aruba. En total a ricibi 1924 persona cu a pasa na nan oficina na Sabana Blanco 68-C, pa asina duna nan datonan corecto segun a pidi den e carta. Di e 11.412 cartanan aki, a ricibi 898 bek for di Post Aruba. Ya caba por conclui cu e 898 adresnan aki cu tin, no ta corecto. No a logra alcansa e personanan aki. Den e di dos paso di e proyecto aki lo purba yega na e personanan aki pa nan tambe pasa na CORE NV, na nan meldingsfaciliteit pa asina duna nan datonan corecto, segun Chong.
Por lo demas Censo tambe a duna 452 aanmelding pa por wordo procesa den nan sistema. Ta trata aki di prezonan cu ta bezig ta sinta nan castigo na KIA. A procesa esaki den nan sistema. Tambe tabata tin mariniernan y RSTer y nan famia, cu tambe a procesa den nan sistema. Tambe Censo a provee CORE NV cu algun uitschrijving. Esey tabata e resultadonan cu tabata tin pa e prome paso cu tabata consisti di e cartanan cu a publica.
Pa e siman aki lo saca e cantidad di IDnan cu tin duda den nan. Ta bon pa e publico lesa corantnan local pa haya sa si nan ID ta aparece den e sistema cu ta ser busca. Segun Chong pa dia 13 di Maart, a cuminsa cu e siguiente paso door di publica ID den corant. Riba e fechanan 13, 14 y 15 di Maart, lo publica listanan cu ta contene ID di esnan atrobe cu tin duda tocante nan residencia real aki na Aruba y ta pidi tur esnan cu ta aparece den e lista aki, pa por fabor pasa na e meldingsfaciliteit na Sabana Blanco.
Dialuna ya caba a aparece 2 lista den corant. E prome lista ta den Diario y tambe den Solo di Pueblo. Y den e lista aki tin esnan cu nan ID ta cay den e siguiente serie. E prome ID ta 00-01-0140, te cu e ID 65122943. E personanan cu ta wordo menciona den e prome lista aki, mester pasa na e meldingsfaciliteit, entrante dia 14 di Maart, te cu 16 di Maart. Nan por pasa na Sabana Blanco 68-C na e meldingsfaciliteit, for di diamars pa diahuebs, di 9’or di mainta te cu 3’or di atardi y ta habri non-stop.
Riba 14 di Maart 2017, lo publica e di dos lista. Ta consisti di personanan di cual ID ta den e siguiente serie: 65-12-30-35 te cu e ID 87-12-17-37. Tur esnan cu ta wordo menciona den e di dos publicacion aki, mester pasa bishita dia 21 te cu dia 23 di Maart 2017.
Por ultimo dia 15 di Maart lo publica e di tres lista cu ta contene e serie di ID 87-12-18-41 te cu e ID 99-12-30-40, Chong a relata.