ECUADOR – Un total di 883 ciudadano Ecuatoriano cu discapacidadnan fisico a vota diabierna den e hornada delanta “voto en casa” di e eleccionnan generla na Ecuador. Ta trata di un colectivo forma pa personan cu ta sufri di un discapacidad fisico superior na un 75% y cu a registra den e programa “Voto en Casa”, cu e Conseho Nacional Electoral a organisa den e 24 provincianan di e pais.
E programa a wordo lansa formalmente na Manta (Noordwest) unda cu e presidente di e institucion, Juan Pablo Pozo, a bisa cu e iniciativa ta forma parti di “e arkitectura nobo institucional” di Ecuador.
“Hopi di e ciudadanonan aki nunca tabata por a participa den e democracia di e pais aki” ya cu “pa motibo di nan condicion fisico, pa nan condicion di discapacidad, nan no por a traslada na e recintonan electoral”, e presidente di CNE a indica.
Pozo a agrega cu loke di Ecuador ta “un di e poco sistemanan electoral na mundo” caminda cu e persona electoral ta desplasa pa e domicilionan pa esnan cu solicita pa nan por eherce nan derecho di voto desde nan propio cas.
Den e provincia di Pichincha, unda ta e capital Quito, tabata 108 persona cu a inscribi pa disfruta di e servicio, cu ta permiti cu e votantenan, “cu profundo patriotismo, realisa e proyecto aki” di e voto, director di e delegacion di CNE, Patricio Dominguez a bisa na periodistanan.
Fuente: NTN24